abadiñoko gaztetxea

Gaztetxe ondoan dagoen udal mediateka XX. mendeko (1913. urtekoa) jauregia da, bere egunean Galindez sendiko jauntxoarena izanikoa. Gaztetxea ostera, Galindezen morroien etxea zen. Gerora, eraikin hauek Abadiñoko udalarenak izatera pasa, eta 1998an, hauei erabilpenik emoten ez eutsiela ikusirik, abadiñar gazteek (Abadiñoko gazte asanbladaren izenean) herrian bizitasun apur bat emoteko intentzinoz, Galindezen morroien etxea okupatu eta herriko gaztetxe bihurtu eben. Orduz geroztik, zailtasun bat baino gehiago ipini izan eutsien arren, gazteek berauen elkargunea izango zena goitik behera barriztu eben: teilatu barria jarri, zutabeak eta solairuak egin... Gaur egun, orduko aldamenetako lau hormek baino irauten ez dabela esan leiteke. Asko dira gazte asanbladak urtean zehar antolatzen dituen ekimenak: hasi herriko jaietatik, eta Abadiñoko herri eskola publikoko umeen txokolatadetaraino. Nabarmentzekoa da baina, gaztetxearen hastapenetatik, bere funtzionamendua autogestio bidezkoa izan dela, ezelako lotura instituzionalik bakoa. Amaitzeko, esan beharrik ez dagoen arren, jakin egizue zu lako deabruz beteriko gaztetxe honek herritar eta herritar ez diren pertsona guztientzat ateak zabalik dituela eta izango dituela.

Martxoan Abadiñoko gaztetxean

2012/03/07

Martxoaren 24ean urtero bezala sagardotegira irteera antolatu dugu Abadiñoko gazte asanbladatik. Izena aldez aurretik eman beharko da larrano taberna edota gaztetxean.
Martxoaren 30ean aldiz, kontzertuak izango ditugu Abadiñoko Gaztetxean. Kraus sk Mutrikuarrak eta Eibartik etorritako Norman taldeak doako ikuskizuna eskainiko digute 22:30etatik aurrera.

Kontzertuak Abadiñoko gaztetxean

2012/01/23

Larunbat honetan kontzertuak daude Abadiñoko gaztetxean. Josu Distorsión abeslari mitikoaren talde berria den El lobo de armañon eta punka lantzen duten Primeros auxilios gernikarrak
Kontzertuak 22:30etan hasiko dira.